Латын әліпбиіне көшу – нағыз халықтық ұйғарым

2021 жылдың 28 қаңтарда ҚР Премьер- Министрінің төрағалығымен өткен қазақ тілі әліпбиін латын графикасына көшу жөніндегі ұлттық комиссия отырысында жетілдірілген әліпби жобасы, емле ережелері мен пернетақтаның үлгісі мақұлданды. Алдағы уақытта әліпби жобасы мен емле ережелері ҚР Президентінің бекітуіне жолданады. Латын графикасы негізіндегі қазақ тілі әліпби жобасын халық арасында кең ауқымды насихаттау мақсатында Ustaz tilegi ғылыми- әдістемелік орталығына «Латын әліпбиіне көшу – нағыз халықтық ұйғарым» атты мақала жарияланды.
https://ust.kz/word/latyn_alipbiine_kosy__nagyz_halyqtyq_uigarym-294918.html

#QostanaiLatyn

Біз бәріміз әртүрліміз, бірақ біз теңбіз

2021 жылғы 7-17 қазан аралығында ұйымдастырушылар Қостанай облысында екінші хабардарлық онкүндігі аясында, оның шеңберінде халықтың инклюзивтік мәдениетін және мүгедек адамдарға толерантты қарым-қатынасын қалыптастыруға бағытталған түсіндіру іс-шараларын өткізу жоспарына сәйкес 2021 жылдың 8-ші қазан күні 5-8 «А» сыныбында «Біз бәріміз әртүрліміз, бірақ біз теңбіз» атты мейірімділік сағаты өткізілді.
Сабақтың мақсаты: балалар мен жасөспірімдердің ЕБҚ бойынша толеранттылықтарын қалыптастыру.
Міндеттері:
• Айналадағы адамдарға зейін қоя білуге тәрбиелеу;
• Мейірімділіктің қалыптасуына ықпал ету;
• Мейірімділік сезімдерін ояту.

Тәуелсіздік жетістіктері

2021-2022 оқу жылына арналған тәрбие жоспарына сәйкес бастауыш сыныптар мен жоғарғы сыныптарда «Тәуелсіздік жетістіктері» атты сынып сағаттары өтті. Сынып сағатының мақсаты: – Еліміздің Тәуелсіздік алу жолындағы ата-бабаларымыздың ерлігін паш ету, оқушыларға желтоқсан құрбандарымен, желтоқсан оқиғасына қатысқан аға-апаларымыздың ерлігін үлгі көрсету. Қ.Р. Тәуелсіздік кезіндегі жетістіктерімен таныстыру. – Оқушыларымыздың туған өлкпмізге деген сүйіспеншілігін, сезімдерін ояту. – Елін, жерін сүюге, Отанын қастерлеуге , шыншылдыққа тәрбиелеу.

Халықаралық ядролық сынақтарға қарсы күрес күні

2021 жылғы 29 тамызда бүкіл әлемдік қоғамдастықтың даму тарихындағы әрі жаһандық антиядролық қозғалыстағы маңызды оқиға – Семей ядролық сынақ полигонының жабылуына  30 жыл толады.

Семей ядролық полигонында 456 ядролық сынақ жүргізілді, одан бір жарым миллионнан астам адам зардап шекті. 1991 жылғы 29 тамызда Қазақ КСР Президенті Н.Ә. Назарбаев «Семей ядролық сынақ полигонын жабу туралы» Жарлыққа қол қойды.

Қазақстанды ядролық полигонды жабу жөніндегі теңдессіз шешімі үшін әлем мойындады. Қазақстанның бітімгершілік үлгісі 2009 жылғы 2 желтоқсанда БҰҰ Бас Ассамблеясын 29 тамызды «Халықаралық Ядролық сынақтарға қарсы іс-қимыл күні» деп жариялауға септігін тигізді.

Атаулы датаға орай Елбасы кітапханасы Қазақстанның гуманистік миссиясы – ғаламшарды жаппай қырып-жоятын қарудан босатып, ядролық қарудан азат әлем құруға арналған бейнеролик дайындады.